今日接二連三收到減磅戰友的查詢:『可唔可以唔飲牛奶呢?你知啦!好鬼驚!』 我都好明白大家的憂慮,但目前唯有飲住d來佬貨先,即是荷蘭、日本等牛牛產品啦!另外,乳酪及芝士都可以代替。 另外,為了俾大家多一個選擇,剛才我漏夜飛去大百佳找市場上的代替品,你知啦!我要求高,又唔可以有加糖又要加鈣好難搵,點知不負有心人,俾我搵到佢,一杯250毫升有300毫克鈣質,足可媲美牛奶,問題在於不是太普及吧!無辦法啦!飲住先!當然最好莫過於食物安全中心可以測試全港的牛奶啦! 咁大家咪放心啦! 仲俾我搵到包低脂的薯片,有三種口味,一小包卡路里不過是146卡,換算為兩份五穀,但由於小薯片太多鹽,每周只能吃一包,過下口癮罷了! PS.唔記得提醒大家,努力減磅的朋友,千奇唔好買加糖的豆漿,熱量好高呀!